Sundurgreining - djúpnám

Á öðru stigi líkansins er myndin sem dregin var upp í byrjun víkkuð en ekki síður dýpkuð. Nýtt efni er skoðað ofan í kjölinn og greint, ný orð og hugtök skoðuð og aðalatriðin síðan dregin saman. Heildarmyndin er dýpkuð og skýrð frekar á þessu stigi og því næsta.

Um er að ræða dúpnám (deep literacy learning).

Aðferðir verkefnis eru notaðar til að  brjóta efnið til mergjar, greina það, kortleggja, flokka o.s.frv. 

Stuðningur kennara við námið

Stuðningur kennara felst í fyrstu í því að kenna aðferðir Orðs af orði, miðla upplýsingum og veita nemendum leiðsögn við nám og vinnulag í námi. Þegar nemendur hafa náð góðum tökum á vinnubrögðum felst stuðningur kennara í að gefa þeim tíma og svigrúm til að nota aðferðirnar, þjálfa sig stig af
stigi, efla námsvitund sína og sjálfstæði í námi, hvetja þá til greinandi hugsunar og veita þeim áframhaldandi stuðning við námið. Hér er líka mikilvægt að benda á að efnið sem nemendur læra er hluti af merkingarbærri heild (samhengi) en er ekki brotakenndur fróðleikur.